Sec. I o II d.C.
Hyginus, Fabulae, CC
Chione
Cum Chione sive ut alii poetae dicunt Philonide Daedalionis filia Apollo et Mercurius una nocte concubuisse dicitur. Ea peperit ex Apolline Philammonem, ex Mercurio Autolycum. Quae postea in venatione in Dianam est locuta superbius. Itaque ab ea sagittis est interfecta. At pater Daedalion unicam filiam flendo ab Apolline est conversus in avem daedalionem, id est accipitrem.
