Pigfm06

1322-1323

GIOVANNI del VIRGILIO, Allegoriae Librorum Ovidii Metamorphoseos, Liber X, 10

Testo tratto da: Ghisalberti F., Giovanni del Virgilio espositore delle Metamorfosi, in “Il giornale dantesco”, XXXIV, 1931, nuova serie IV, p. 72, n. 27

 

Decima mutatio est de statua eburnea Pigmalionis conversa in femina. Dicunt quidam quod ille despiciebat omnes feminas propter turpitudinem. Unde fecit unam statuam eburneam femineam cum qua cepit dormire et ita spermatizabat cum ea tamquam cum femina unde dicitur conversa in feminam.

 

603                  Pigmalion statue se commiscebat eburne

604                  quam dedit huic vivam pro muliere Venus

 

Sed quia littera Ovidii reclamat dicens expresse quod genuit ex illa Esaphum, ideo aliter potest dici quod Pigmalion habebat quamdam uxorem pulcerrimam ut ebur. Sed erat immobilis i. sine blanditijs, et nesciebat operari sicut alie in coitu et ideo dicebatur essa statua, Sed Pigmalion rogavit deam Venerem ut converteret eam. Hoc est quod didicit se plicare et blandiri sicut alie. Et ideo dicitur de statua in femina conversa.

 

605                   Absque iocis mulier statue similatur eburne

606                   Edoctam fertur vivificare Venus