1322-1323
GIOVANNI del VIRGILIO, Allegoriae librorum Ovidii Metamorphoseos (ed. F. Ghisalberti 1933), XIV
Allegoria della Sibilla
Tercia mutatio est de Sibilla. Circa quam est sciendum quod Sibilla non est nomen proprium, sed est nomen officiale sicut poeta. Nam Sibilla divinatrix interpretatur unde quecumque era divinatrix Sibilla dicebatur. Sed quod vixerit mille annis debet intellegi quod in mille annis reperte fuerunt X sibille id est divinatrices. Quod autem dilecta fuerit ab Apolline sic debet intelligi quod Apollo est deus divinationis. Unde quicumque sciebat divinare a poetis dicebatur Apolline esse dilectus. U. v.:
Intra mille annos bis quinque Sibillas 703
que divinarunt una Sibilla notat.
Que quia cuncta videt Phebo dilecta refertur
hoc quia prophethans femina nomen habet.