X-XI d.C.
Mitografi Vaticani, I, 90
Tratto da:Scriptores rerum mythicarum latini tres Romae nuper reperti, edit ac scholiis illustravit G. H. Bode I/II, Georg Olms Verlagsbuchabdlung, Hildesheim 1968
Fabula Pan
Pan cum Tmolum, montem Lidiae, frequentans, fistula se oblectaret, Apollinem in certamen evocavit, iudice Tmolo cuius mons erat. Itaque cum Apollini victoria esset adiudicata, Midae regi assidenti soli displicuit, quam ob causam deus iratus aures eius asininas fecit. Ille criminis sui notam tonsori tantum ostendit precipiens ei ut si crimen eius celaret, participem eum regni efficeret. Ille in terram fodit et secretum domini sui in defosso terre dixit et operuit. In eodem loco calamus est natus, unde sibi pastor tibiam faciens, que cum percutiebatur, dicebat: Mida rex aures asininas habet, nichilominus quod ex terra conceperat. Quidam tradunt non Panem sed Marsiam cum Apolline certasse.
