X-XI sec. d.C.
MITOGRAFO VATICANO I, 200
In Scriptores Rerum Mythicarum Latini Tres, ed. Bode G.H., 1968
Myrrha et Adonis
Myrrha patrem suum amasse dicitur, cum quo inebriato rem habuit. Quumque eam pater utero plenam rescisset, crimine cognito, eam evaginato gladio coepit persequi. Illa in arborem Myrrham versa est; quam arborem pater gladio percutiens, Adon exinde natus est; quem Adonem Venerem amasse dicunt. Ideo hoc fingitur, quod Myrrha videlicet arbor generet ήδονήν, quod graece suavitas; quia Myrrha gumma suavis est odore; unde et a Venere amatur; quia hoc genus pigmenti sit valde fervidum.
