X-XI sec. d.C.
MITOGRAFO VATICANO I, 184
In Scriptores Rerum Mythicarum Latini Tres, ed. Bode G.H., 1968
Ganymedes
Ganymedes, filius Troili, filii Priami, quum prima forma ceteris Trojanis praederretur, et assiduis venationibus in Idae silva exerceretur, ab armigero Jovis, scilicet aquila, quae quondam illi fulmina offerebat, in caelum raptus est, et factus est pincerna deorum; quod officium prius occupaverat Hebe, filia Minois, filii Jovis. Vel aliter -Juppiter ne infamiam virentis, id est masculini, concubitus subiret, versus in aquilam ex Ida monte Ganymedem rapuit, et fecit eum pincernam in caelo.
