IV-V sec. d.C.,
Servio, Commentarii in Vergilii Bucolica, III, 63
SUA MUNERA ipsi grata, id est laurus et hyacinthus. Nam scimus et Daphnen, Ladonis fluminis Arcadiae filiam, dilectam ab Apolline et terrae miseratione in laurum conversam, et Hyacinthum amatum tam a Borea quam ab Apolline: qui cum magis Apollinis amore laetaretur, dum exercetur disco, ab irato Borea eodem disco est interemptus et mutatus in flore nominis sui.
