Melfm02

X sec.

MITOGRAFO VATICANO I, 146, 174, 204

ed. G. H. Bode, Cellis 1834, pp. 46-47, 54, 64

146, Meleager et Oeneus

Oeneus, pater Tydei et Meleagri, Parthaonis filius, rex Aetoliae, cujus civitas est Calydon nobilissima. Hic summam potestatem regni sui turbavit neglegentia sacrorum. Annua siquidem vota pro imperii fructibus celebrans, numen Dianae contemsit ; propter cujus nimiam indignationem oppressus est, ut videretur omnse placaturus, si illam solam adorasset. Ea aprum summae magnitudinis regoni immisit ; qui vastator Clydoniae terrae ab urbis gente est appellatus. Cujus Oenesus feritate fractus, edictum tale proposuit, ut dimidiam regni partem caperet, qui monstrum interemisset. Meleagri virtus periculum non expavit. Siquidem ipse ejus filius undique juventutem collectam ad illam novi generis expeditionem vocavit. Inter quos Atalante convenit, Iasii filia, summa venatrix; quae in saltibus prima omnium praedictum aprum sagitta percussit. Postea Meleager venientem in se feram excepit interemitque; et gratus adversus puellam, quae inter viros successu virtutis anituerat, pellem monstri illius cum capite ad laudis illius testimonium ei dedit. Si munus, peractum fortitudine, invidia perdidit. Plexipps namque et Agenor, Meleagri avunculi, indignati sunt, sibi praelatam fuisse virginem, et eam dono spoliaverunt. Qua sontentione fata sibi maturaverunt. Etenim indignatus Meleager, consanguinitate calcata, matris suae fratrem Plexippum occidit, sibique matris affectum abstulit. Althea siquidem germanorum ultione saeviit. Nam titionem (quem occultum habuit, quia, quum nasceretur Meleager, in regia subito fortis et ut juvenis apparuerat, et vaticinatum erat, quod tamdiu viveret, quoadusque sevatus esset) mater ignibus mersit, eumque cum filii nece satis extinxit. Quae postquam admissum facinus agnovit, laqueo vitam finivit.

 

174, Atalante et Meleager

Atalante, Iasii regis filia, fugiens cujusdam concubitum, in venando facta comes Dianae. A Meleagro per vim compressa puerum edidit, cujus conceptum quia diu sub virginitate celavit, Parthenopaeum vocavit.

 

204, Genealogia deorum et heroum

[...] Laius de Iocasta genuit Oedipum. Oedipus de Iocasta genuit Eteoclem et Polynicem, Ismenem et Antigonam. Adrastus genuit Argiam et Deiphylem. Mars genuit Altheam, Toxeum et Plexippum. Oeneus de Althea genuit Meleagrum et Gorgem et Deїaniram. Meleager genuit Parthenopaeum. Tydeus Tydidem, qui fuit dux in Trojano bello. [...]