Fine IV d.C.
SERVIO, Commentarii in Vergilii Aeneidos libros, III, 20;III, 359; IV, 58
Testo tratto da:
III, 20. Quod autem de Libero patre diximus, haec causa est ut signum sit liberae civitatis; nam apud maiores aut stipendiariae erant, aut foederatae, aut liberae; sed in liberis civitatibus simulacrum Marsyae erat, qui in tutela liberi patris est.
III, 359. Troivgena ac si diceret 'generose', ut alibi Dardanidae magni genus alto a sanguine divum. Sciendum tamen, sicut veteres auctores adfirmant, peritissimos auguriorum et Aeneam et plurimos fuisse Troianos. Non nulli autem dicunt a Marsya rege missos e Phrygia regnante Fauno, qui disciplinam auguriorum Italis ostenderunt. Ergo 'Troiugena' sine dubio auguriorum et divinationis peritus est.
IV, 58. Patrique Lyaeo: qui, ut supra diximus, apte urbibus libertatis est deus; unde etiam Marsyas, minister eius, civitatibus in foro positus, libertatis indicium est, qui erecta manu testatur nihil urbi desse.
