1399-1400
CHRISTINE DE PIZAN, Epistre Othéa, 3 (12-19); 27 (7-8)
Testo tratto da: Christine de Pizan, Epistre Othéa, Edition critique par Gabriella Parussa, Librairie Droz S.A., Genève 1999.
Texte III
Et avec nous te couvient force;
Se tu de grant vertu fais force,
Vers Herculés te faut virer
Et ses vaillances remirer,
En qui il ot trop de bernage.
Et pour tant se a ton lignage
Fu contraire et ot atteïne,
N’ayes mie pour tant haïne
A ses vertus nobles et fortes,
Qui de prouece euvrent les portes;
Mais se tu les veulx ensuivir,
Ja pour ses vaillances suivir,
Ne t’est pour tant neccessaire
Aux infernaulx guerre faire
N’au dieu Pluto aler contendre
Pour Proserpine a avoir tendre,
La fille Cerés la deesse
Qu’il ravy sur la mer de Grece,
Ne il ne t’est mie mestier
Que a Cerberus, le portier
D’enfer, tu coppes les chayënnes
Ne a ceulx d’enfer prendre ateines,
Glose XXVII
Dit la fable que Pirotheus et Theseus alerent en enfer pour Proserpine recourre, que Pluto ot ravie […]
