1399-1400
CHRISTINE de PISAN, Epistre d’Othea, V, 98d, Perseo
Texte
Apres te mire en Perseus
de qui le hault nom est sceus
par my le monde en toutes pars.
Pegasus; li chevaulx appers, Chevaucha par l’air volant
Et Andromeda en alant
il delivra de belue
Si lui a a force tolue;
comme bon chevalier errans
L’a rendue a ses parens.
Cestui fait vuellies retenir, car bon chevalier dait tenir
Celle voye, s’il veult avoir
honneur, qui trop mieulx vault qu’avoir
si te mires en son escu
Luisant, qui plusieurs a veineu;
De son fauchon soyes orne
Si seras fort et affermè.
Glose
Et pour ce que c’est chose couvenable que a bon chevalier sait alme honneur et reverence, en ferons figure selon la maniere des poetes. Perseus fu un moult vaillant chevalier et plusieurs royaumes il acquist, et de lui fu la grant terre de Perse nomme; et distrent les poetes que le chevauchait le cheval qui par l’air vole, qu’ilz nommerent Pegasus, et est a entendre renomme qui par l’air volle ; il portait en sa main un fauchon on une faulx qui est dit pour la grant foison de gent qui par lui furent desconfis en maintes bestaille ; il delivra d’un monstre de mer, qui par la sentence di dieux devourer la devoit ; qui est a entendre que tours chevaliers doivent secourir femmes qui besoing de leur ayde aront . Si peut estre notté Perseus et le cheval qui vale bonne renomme que le bon chevalier doit avoir et acquerir par ses bons merites, et la doit chevaucher, c’est que son nom doit estre, portè en toutes terres. Et dit Aristote : « Bonne renommee fait l’omme reluisant au monde et agreable en la presence des princes
Allegorie
Renomme doit desirer l’esperit chevalereux entre la campaigne des soins de paradis acquise par ses bons merites;le cheval Pegasus, qui le porte, sera son bon ange, qui fera bon rapport de lui on jour du jugement ; Andromeda qui sera delivree, c’est son ame , que il delivra de l’ennemi d’enfer par vaincre pechié. Et que on doye autressi voulair bonne renomme quair en ce monde afin de dieu, mon par vaine glorie, dist saint Augustin on livre de Correction que. ij. choses sont necessaires a bien vivre, c’est assavoir bonne coscience et bonne rennome; coscience pour say et rennome pour son prochain; et qui se fie en coscience et despite rennome il est armee, car c’est signe de noble courage de amer le bien rennomee. Et a ce propos dit le sage : «Curam habe de bono nomine, magis enim permanebit tibi quam mille thesauri precisosi » Ecclesiastici.xlj.capitulo.
