1316-1318
Ovidè Moralisè, IV, 1328-1345
Or vous desclairai la merveille
Dou dieu qui en la tour fermée
Entra comme pluie doree,
Sans la desclorre et descouvrir,
Sans huis et sans fenestre ouvrir.
Jupiter, Dien, nostres aidierres,
Nostre peres, nostre sauverres,
Nostre roi, nostre creatour,
Descendi en la noble tour
Ou Danè la bele iert en mue.
Par Danè puet estre entendue
Virginitez de Dieu amee.
La tour ou elle iert enfermee
Nous done a entendre la cele
Dou ventre a la vierge pucele,
Ou Dieux vault comme pluie en laine
Descendre, et prendre char humaine
Et soi joindre a nostre nature (...)
