LATTANZIO PLACIDO, Narrationes fabularum ovidianarum, III, fabula IV
Testo tratto da: http://etext.lib.virginia.edu/latin/ovid/narrationes.html
Iuppiter cum Iunone iocosius omissis omnibus iurgiis referens in coniunctione maiorem capere feminas quam viros voluptatem Tiresiam iudicem adeundum censuit, qui utramque naturam maris ac feminae fuerat expertus. Nam quodam tempore cum serpentes concubitu haerentes baculo percussisset, in mulierem conversus fuerat ac rursus proximo vere eadem usus ratione ac tactu in virum cesserat. Qui cum Iovis sententiam tutatus esset, damnata Iuno lusum in iracundiam vertit ac Tiresiam luminibus orbavit. Pro qua iniuria, quod maius esset, Iuppiter futurorum ei scientiam tributi.
