X-XI sec. d.C.
Mitografo Vaticano II, 105
Testo tratto da: Corpus Christianorum Series Latina, cura et studio Kulcsár P., XCI c, Brepols 1987
De Agave
Agave quarta filia Cadmi Echionis uxor erat, que Liberum patrem ita in contemptu habuit ut etiam arborem conscendens cum telo ei insidiaretur. Cuius filius Pentheus Thebanorum rex similiter eius sacra despiciens negavit eum ex Semele natum, et insuper dicta Tyresie auguris spernens premonentis ut in adventu eiusdem Liberi Thebani redimiti hedera procederent ac sacra susciperent, prohibet suos parere monitis et confestim iussit famulos suos ut eum Thebas venientemvinctum sibi presentarent. Liber, ut eum vesanientem deluderet, versus in Acetem comitem suum vinctus ducitur et in custodiam mittitur. Unde inmissa matri et filio amentia Agave filium sibi obviantem vitulum putans cum furore armata decollavit, Liber incolomis evasit. Agave autem mox post cedem resipuit et se filium suum decollasse cognovit.
