1322-1323
GIOVANNI DEL VIRGILIO, Allegorie Librorum Ovidii Metamorphoseos a magistero Johanne de Virgilio prosaice ac metrice compilate, Liber III
Testo tratto da: Ghisalberti F., Giovanni del Virgilio espositore delle Metamorfosi, in “Il giornale dantesco”, XXXIV, 1931, nuova serie III p.52-53
3. Tertia trasmutatio est de Semele. Per Semelem intelligo vitem. Per Jovem concubisse cum ea et impregnasse eam Bacho intelligo influentiam supercelestem que impregnam vites vino. Sed per Iunonem persuadentem ei quod petat Jovem in propria forma intelligo influentiam aeream que nutrit ipsas vites usque ad Augustum. Sed per Jovem fulminare Semelem intelligo ardorem ethereum, qui consumit totum humorem qui est in terra. Per hoc quod Iupiter Bachum insuit femori suo, intelligo quod consumpto humido terrestri vite, uve nutriuntur ab influentia superiori. Sed per hoc quod dedit eum nutriendum nimphis aquarum, intellige quod vinum debet nutriri per aquam ita apposita aqua temperet vinum.
Impletam bacho Semelem exterminat ardor
Que vetule credens ebria facta fuit.
At calor aquarum nimphis commisit alendum
Nam furias Bachi temperat haustus aque.
