IV o VI sec. d.C.
LATTANZIO PLACIDO, Narrationes fabularum quae in P. Ovidii Nasoni libri XV Metamorphoseon occurrunt, III, fabula II
Actaeon, Aristaei et Autonoes filius, in cervum.
Diana cum in valle Gargaphie aestivo tempore fatigata ex adsidua venatione se ad fontem perlueret, Actaeon, Aristaei et Autonoes filius, eundem locum petens ad refrigerandum se et canes, quos exercuerat, feras persequens in conspectum deae incidit; qui ne eloqui posset, habitus eius in cervum ab ea conversus est, ita ut pro fera laceratus a suis canibus sit.
