X-XI sec. d.C.
Mitografo Vaticano II, 198
Testo tratto da: Corpus Christianorum Series Latina, cura et studio Kulcsár P., XCI c, Brepols 1987.
De Tirrenis et Libero patre
Tirreni naute Liberum patrem puerum dormientem in litore abstulerunt. Qui cum esset expergefactus in navi, quo duceretur, rogavit. Responderunt illi: Quo volueris. Liber rogavit ut Naxum insulam se transuectum nutricibus redderent nymphis. Illi spe prede inducti ceperunt alio vela flectere. Quam ob rem iratum numen tigrides sibi sacratas visibus eorum obiecit, quo terrore se illi in fluctus dedere precipites et facti sunt delphini.
