X-XI sec. d.C.
Mitografo Vaticano I, 120
Testo tratto da: Corpus Christianorum Series Latina, cura et studio Kulcsár P., XCI c, Brepols 1987.
Fabula Liberi et Tyrrenorum
Cum Tyrrheni naute dormientem in litore Liberum patrem invenissent, furtim eum in navim suam rapuerunt. Qui cum esset experrectus in navi, quo duceretur, interrogavit. Responderunt illi, Quo vellet. Liber ait ad Naxum insulam sibi sacratam. Illi autem alio vela flectere ceperunt. Quam ob rem numen iratum tigres sibi dicatas visibus eorum obiecit, quarum illi terrore perterriti sese precipites in fluctus dedere.
