X-XI d.C.
MITOGRAFI VATICANI, II, 76
Tratto da: Scriptores rerum mythicarum latini tres Romae nuper reperti, edit ac scholiis illustravit G. H. Bode I/II, Georg Olms Verlagsbuchabdlung, Hildesheim 1968
76. Juppiter et Europa
Quum Mercurius jussu patris in Phoenicen transgressus esset, ut armenta illius regionis ad litus compelleret; Juppiter, in taurum conversus, quum se jumentis Agenoris, regis Libyae, immiscuisset, et in amore sui spatiantes in arena virgines consistere coëgisset; paulatim singulas alludens, novissime Agenoris filiam Europam, in pratis secundum consuetudinem puellarum flores legentem, vitiavit, et tergo sibi insidentem in insulam Cretam detulit, et ex ea tres filios, Minoëm, Rhadamanthum at Aeacum, qui facti sunt apud inferiors judices, genuit, tertiamque ab ea orbis partem vocavit.
