1555
ACHILLE BOCCHI, Symbolicarum quaestionum de univerdo genere quasserio ludebat libri quinque, Bologna 1555, Liber V
Summum bonum praestat fides
Symb. CXXVIII
Propterea nostris sapientes mystica censet
Inventis nunquam referenda accepta, sed almae
Lucis inexhausto sub pectora munda vigori
Caelitus infuso. Hinc homines animasse Prometheus
Igne domo aetheria subducto fingitur audax
Palladis auspicio sine qua frigescimus omnes
Nilque: sumus, prater grave coenum et inutile pondus.
Pallas enim summi est sapientia dicta tonantis,
cui nos conciliat perculsos corda sua vi.
Quare divina quum res sine luce suprema
per se nulla queat speculari humana facultas
nedum verbis exprimere, aut committere chartis,
semper eo de his consilio pia turba loquamur,
scribamusque: vicissim, non quo ostendere posse
quae nulla ostendi possunt ratione, sed olim
speremus magis exhortari, animosque parare,
atque statum sensim perducere mentis ad illum,
cui tandem ex alto domus omnipatentis olympi
panditur, et mundo est meliore potiri.
