1342-50
PETRUS BERCHORIUS, Ovidius Moralizatus, Liber I
Testo tratto da : Berchorius P., Ovidius Moralizatus, in Reductorium morale, Liber XV, Werkmateriaal uitgegeven door het Intituut voor Laat Latijn der Rijksuniversiteit, Utrecht 1962.
Ovidius in primo libro metamorphoseos praemisso prologo primo tractat mundi creationem secundum opinionem Anaxagorae. Postea quomodo Prometheus de limo terrae fecit unum hominem in similitudinem ac effigiem moderantum cuncta deorum. Unde textus. Pronaque cum spectent animalia caetera terram. Os homini sublime dedit coelumque videre iussit: et erectos ad sydera tollere vultus.
