VI sec. d.C.
LATTANZIO PLACIDO, Narrationes fabularum Ovidianarum, I, fabula 1
Testo tratto da: Lattanzio Placido, Narrationes fabularum ovidianarum.
Testo tratto da:http://etext.lib.virginia.edu/latin/ovid/narrationes.html#bk6
Ex terra cum omnia generata sint variarumque rerum mater repperiatur, tum humanum genus, quod cuncta vinceret, Prometheus Iapeti filius, ut idem Hesiodus ostendit, ex humo finxit, cui Minerva spiritum infudit. saecula etiam dicta auctoritate Varronis vertuntur, quoniam aureum in deterius argenteum et post in aeneum ac postea, quod opprobrium antedictis est, in ferreum cessit .Separata erat terra a ceteris elementis, sed homo nondum natus, ipsius terrae futurus cultor ac dominus, itaque Prometheus Iapeti filius terram imbre mollivit et ex hac hominem ad dei similitudinem et imaginem finxit, cuius facies non prona, ut cetera animalia, esset in terram, sed caelum spectaret erecta.
