370-404 d.C.
CLAUDIANO, In Eutropium liber alter, Liber II, 490-501
Testo tratto da: Claudiano, Carmina, with an english translation by Platnauer M., 2 voll., The Loeb Classical Library, Cambridge-London 1922.
Namque ferunt geminos uno de semine fratres
Iapetionidas generis primordia nostri
dissimili finxisse manu: quoscumque Prometheus
excoluit multumque innexuit aethera limo,
hi longe ventura notant dubiisque parati
casibus occurrunt fabro meliore politi.
Deteriore luto pravus quos edidit auctor,
quem merito Grai perhibent Epimethea vates,
et nihil aetherii sparsit per membra vigoris,
hi pecudum ritu non impedentia vitant
nec res ante vident; accepta clade queruntur
et seri transacta gemunt.
