1322-1323
GIOVANNI DEL VIRGILIO, Allegorie Librorum Ovidii Metamorphoseos a magistro Johanne de Virgilio prosaice ac metrice compilate, I, 7
Liber I
7. Septima trasmutatione est de lapidibus in homines. Allegoria talis est.
Nam legitur quod quodam tempore totus mundus perit aqua tempore Noe.
Sed postmondum adhuc deus misit diluvium propter peccata hominum.
Tamen non fuit generale, sed in quadam parte mundi. Nec evaserunt in quam
pluribus civitatibus nisi duo scilicet Deuchalion et Pirra. Isti ergo iverunt ubi
erant montanarii qui erant sicut lapides, et eos traxerunt ad civitatem et instruxerunt
eos. Unde fictum eos de lapidibus fecisse homines. Unde dictum est :
Deucalion homines montanos traxit in urbes
Hosque monens lapides post dedit esse viros.
Pirra modo simili duris mulieribus egit
Sicque reformatum constat utrumque genus.
Alii sunt qui dicunt quod per Deucalion trasmutantem lapides in viros debemus
intelligere hominem qui generat si plus emittat de semine et a simili de Pirra. U. d.e. :
Vir generare Viros mulieres femina fertur
Si plus in coitu seminis alter habet.
Diluvio vasto purgan deus atra nocentum
Sustulit insontes pro reparando genus.